Ministrja e Shtetit për Mbrojtjen e Sipërmarrjes znj. Sonila Qato zhvilloi një takim me prodhuesit shqiptarë. Gjatë takimit u diskutuan problematikat kryesore që prekin sipërmarrjen në këtë fushë; si ngritja e laboratorëve të akredituar për mundësimin e certifikimit të produkteve bujqësore; gjetja e mënyrave për rritjen e eksportit të prodhimeve shqiptareve apo përkrahja me fonde për bujqësinë sipas skemave të miratuara tashmë nga Qeveria shqitare. Të pranishëm në takim ishin: Përfaqësues të kompanive private, Bashkimi i Prodhuesve Shqiptarë, Shoqata e Agrobiznesit, Dhoma e Tretëgisë dhe Industrisë dhe zv. ministri i Bujqësisë dhe Zhvillimit Rural.
Faja e Ministres Qato:
“Zyra e Ministrit të Shtetit për Mbrojtjen e Sipërmarrjes ka mundësuar një sërë takimesh me grupet interesit dhe ministritë përgjegjëse për disa fusha. Kjo tryezë është e fokusuar në trajtimin e problematikave që ka sektori i bujqësisë, ndaj mirëpresim sugjerimet apo rekomandimet tuaja lidhur me çështje që në këndvështrimin tuaj duhen riparë apo ndryshuar. Ministria e Shtetit për Mbrojtjen e Sipërmarrjes ka organizuar disa tryeza me grupe të ndryshme interesi në kuadër të reformës së derregullimit, nga ku kanë dalë sugjerime nga grupet e biznesit, të cilat më pas janë trajtuar në tryeza teknike nga ministritë përgjegjëse.”
Përfaqësues të Bashkimit të Prodhuesve Shqiptarë u shprehën:
“Ne duam të bëhen konsultime e takime për tu orientuar se si mund të përfitojmë nga fondet IPARD. Po të merren në konsideratë edhe mendimet e Shoqatës së Prodhuesve do të ishte shumë efentkive. Ndërsa në lidhje me skemat që mbulon qëveria shqiptare mendojmë se ajo duhet të jetë e fokusuar tek bimët mjekësore. Në ligjin për fermerin duhet të përfshihen jo vetëm farat e fidanët por dhe bimët mjekësore. Kemi kërkuar të ngrihet një drejtori për bimët mjekësore, si një zë ku ka mundësi për punësim. Duhet angazhim dypalësh për të rritur kapacitete eksportuese.”
Zv.Ministri MBZHR-ja u përgjigje se:
“Te bimët medicinale kemi problem sepse aplikimet janë në nivel shumë të ulët. Sa i takon skemës së infrastrukturës ne mendojmë që me këtë buxhet nuk dalin fondet por kemi IPARD dhe kjo na ndihmon, nuk është e ndaluar të aplikosh atje për fonde për bimët medicinale. Kemi dëgjuar grupet dhe kemi vendosur t’i bëjmë ndryshmet sipas konsultimeve. “
